Հազը բավական տհաճ խնդիր է, որով ուղեկցվում են շնչառական համակարգի հիվանդություններից շատերը: Հազից ազատվելու համար հարկավոր է նախ պարզել դրա առաջացման պատճառն ու ազատվել դրանից: Նման դեպքերում կան նաև հազից ազատող բազմաթիվ բնական միջոցներ, որոնք իրենց արդյունավետությամբ չեն զիջում դեղորայքային միջոցներին: Ավելին՝ այս բնական միջոցները ոչ միայն արդյունավետ են, այլև շատ ավելի հասանելի են ու չեն պարունակում վնասակար քիմիական տարրեր:
Ստորև ներկայացնում ենք այդ բնական միջոցներից ամենաարդյունավետները:
Բաղադրատոմս 1-ին.
Մեկ ճաշի գդալ եզան լեզվի չորացրած տերևներին ավելացնել մի բաժակ եռման ջուր, թրմել մինչև սառչի, այնուհետև քամել, բաժանել երեք մասի և խմել օրվա ընթացքում:
Բաղադրատոմս 2-րդ.
Խառնել հավասար քանակությամբ տուղտի (алтей) մանրացրած արմատն ու տատրակի (мать-и-мачеха) չորացրած տերևները, այնուհետև ստացված խառնուրդի մեկ ճաշի գդալը լցնել թերմոսի մեջ, ավելացնել մի բաժակ եռման ջուր ու թրմել կես ժամ: Ստացված թուրմը քամել ու խմել օրական երկու անգամ ½ բաժակ:
Բաղադրատոմս 3-րդ
1 բաժակ մանրացրած չոր տանձի վրա լցրեք 500 մլ ջուր, եփեք 20 րոպե: Թրմեք` փաթաթելով տաք շորով, 4 ժամ: Քամեք: Խմեք օրական 4 անգամ, 100-ական մլ, ուտելուց 30 րոպե առաջ:
Զգուշացում. Այս բնական թուրմերը կօգնեն մեղմել հազն ու ազատվել տհաճ զգացողություններից, սակայն հարկ է հիշել, որ առողջական լուրջ խնդիրների դեպքում հարկավոր է անպայման դիմել մասնագետին : Միայն փորձառու բժիշկը կկարողանա ճիշտ ախտորոշել խնդիրն ու նշանակել անհրաժեշտ բուժումը, որը կլինի արդյունավետ և չի առաջացնի կողմնակի բարդություններ:
Նյութը հրապարակման պատրաստեց goodlookingnews.ru