Եթե սովոր եք անկողինը հավաքել անմիջապես արթնանալուց հետո, ապա վերանայեք ձեր մոտեցումը այդ հարցին: Մտածելով կոկիկ ննջարանի մասին՝ մենք մոռանում ենք դրա գլխավոր բնակիչների մասին: Գիտնականները հաշվել և ներկայացրել են, որ մի սովորական անկողնու մեջ, որտեղ շաբաթական 1 անգամ փոխում են անկողնային պարագաները, կարող է ապրել մոտ 150 000 000 անկողնային տիզ:
Անկողնային տզերը սնվում են մարդու մաշկի մահացած մասնիկներով, իսկ խոնավ անկողինը՝ նրանց բնակության սիրելի վայրն է: Ընդամենը մի պարզ գործողությունը կարող է ոչնչացնել առողջության համար անտեսանելի վտանգը:
Ինչպես ազատվել անկողնային տզերից
Այս միկրոօրգանիզմներն իրենք իրենցից վտանգ չեն ներկայացնում, սակայն վտանգավոր են դրանց կենսագործունեության հետևանքները: Տզերի արտադրությունները դառնում են տարբեր տեսակի ալերգիաների պատճառ: Մաշկային ցանն ու ասթմատիկ հազը՝ տհաճ երևույթներ են, որոնք առաջանում են տզերի առկայության պատճառով:
Անթերի կլինի, եթե մի քանի ժամ անկողինը թողնեք առանց հավաքելու, որ տզերը ոչնչանան արևի շողերից: Իսկ եթե ձեր սովորությունները թույլ չեն տալիս երկար ժամանակ անկողինը թողնել թափթփված վիճակում, ապա հավաքեք այն գոնե լվացվելուց և նախաճաշելուց հետո:
Տզերի ոչնչացումից հետո սենյակի օդն ավելի մաքուր է դառնում: