Աղոթք օրվա ավարտի

Փա՛ռք Քեզ, Տեր Աստված մեր,

որ պարգևեցիր մեզ օրն այս խաղաղությամբ և բարիքով լեցուն անցկացնել:

Մարդասեր Աստված, այս գիշերվա ընթացքում, որը մոտենում է, փրկիր մեղքից,

ազատիր չարից և առաջնորդիր դեպի բարի գործեր:

Առավոտյան օրհնություններին ու փառաբանություններին արժանի դարձրու

Քո սուրբ անվանը հավատացողներին՝ պահելով խաղաղության մեջ:

Տեր Աստված մեր, տուր Քո խաղաղությունն ամբողջ աշխարհին,

վերացրու ցասումն ու պատուհասը Քո արարածներից:

Ողորմիր մեր հայրերին ու եղբայրներին՝ ողջերին և հանգուցյալներին:

Ողորմիր եկեղեցի կառուցողներին, բարերարներին, բարիքներ պարգևողներին,

սպասավորներին և նրանց, ովքեր սուրբ եկեղեցու հովանու ներքո են ննջում:

Սուրբ և պատվական խաչիդ նշանով հալածիր երևելի և աներևույթ թշնամուն,

մեր սահմաններից և մեր բնակության վայրից: Փրկիր մեզ հավիտենական հրից,

որովհետև Քոնն է փառքը հավիտյանս.

Ամեն:

Եթե հավանեցիք այս գրառումը կիսվեք Ձեր ընկերների հետ.
GOOD LOOKING NEWS