Հայկ Պետրոսյանի հերթական ստենդափ շոուն ամբողջությամբ քաղաքական թեմայով էր: Այսօր՝ հունիսի 5-ին, Պարոնյանի անվան երաժշտական կոմեդիայի պետական թատրոնում տեղի ունեցավ «Ամեն ինչ լաՅվ ա լինելու կամ հեղափոխության 55 երանգները» ներկայացման պրեմիերան:
Հայկի հումորները Հայաստանում տեղի ունեցած #Իմքայլը շարժման ու թավշյա հեղափոխության մասին էին:
Նա անդրադարձավ բոլոր այն քաղաքական գործիչներին, որոնց մասին սովորաբար կատակում է իր ներկայացումների ընթացքում՝ Սերժ Սարգսյան, ԱԺ պատգամավորներ Գալուստ Սահակյան, Սեյրան Սարոյան, ՀՀ վարչապետ Նիկոլ Փաշինյան:
Բուռն ծափահարությունների արժանացած հատվածներից մեկը Նիկոլ Փաշինյանին վերբերյալ անեկդոտն էր:
«Դեւը բռնում ա Պուտինին, Թրամփին ու Նիկոլին:
Թրամփին ու Պուտինին ուտում ա, ուզում ա Նիկոլին էլ ուտի, տեսնում ա՝ Նիկոլը լայվ ա մտել (տեսանյութում)»,- ասաց նա:
Նախատեսված էր, որ ներկայացնումը խաղացվելու է միայն 1 անգամ, սակայն պրեմիերայից հետո հայտարարություն եղավ, որ հունիսի 8-ին հանդիսատեսը կրկին այն նայելու հնարավորություն կունենա:
Լրագրողղների հետ զրույցում Հայկը նշեց, որ այսօր ներկա գտնվել ցանկացողների քանակն ավելին է եղել, քան տոմսերինը, եւ ինքը որոշել է նորից ներկայացնել շոուն:
Տեսանյութը՝ «Հայկական ժամանակ»-ի
