Լրագրող Ոսկան Սարգսյանն իր ֆեյսբուքյան էջում գրառում է կատարել.
-Նիկոլ Փաշինյանը հայտարարել է, որ մարտի 1-ի գործն ամբողջ ծավալով բացահայտվել է։ Հանրությունը պետք է իմանա, թե այդ գործում ով ինչ դերակատարություն է ունեցել, մասնավորապես՝ օլիգարխներից ովքեր են անօրինական զինված խմբեր ստեղծել;
Հանրությունը պետք է իմանա, թե ում էր պատկանում մարտի 1-ին գետնին ընկած մարդու ծնոտն ու լեզուն, դրանք, մարտի 1-ի հայտնի 10 զոհերից ոչ մեկին չեն պատկանում։
2008թ-ին դատաբժշկական փորձաքննությունների ազգային կենտրոնի ղեկավար Շոթա Վարդանյանը հայտարարեց, որ տեսանյութի կադրերում առկա ծնոտը ոչ թե մարդու, այլ երիտասարդ խոզի՝ խոճկորի ծնոտ է, հայտնաբերված լեզուն էլ մարդու լեզու չի, իսկ արյան տպավորություն ստեղծում են ստվերները և վստահեցրեց, որ տեսանյութի կադրում անհայտ հեղուկ է, ոչ թե՝ արյուն:
Իբրև թե Ֆրանսիայի դեսպանատան հարակից տարածքը անասունների սպանդանոց էր, ուր խոզի ծնոտ և լեզու էր ընկած:
