Կառավարությունն իր այսօրվա նիստում հավանություն տվեց ՀՀ ԱԺ «Ծառուկյան» խմբակցության պատգամավոր Տիգրան Ուրիխանյանի առաջարկած նախագծին, որով խմբագրումներ պետք է մտցվեն «Կրթության մասին» օրենքում։
Դրանով ուսանողները հնարավորություն կստանան վարձավճարները տալ կիսամյակ առ կիսամյակ, եռամսյակ առ եռամսյակ, ամիս առ ամիս՝ սեփական հայեցողությամբ։
Կառավարության նիստում ԿԳ նախարարի պաշտոնակատար Արայիկ Հարությունյանը նշեց, որ հիմա էլ բուհերում գործում է ամիս առ ամիս վճարումների անհատական համակարգ, սակայն պատգամավորն առաջարկում է այդ կարգավորումը բարձրացնել օրենքի մակարդակ։
Հարությունյանն առաջարկեց նախագծից հանել եռամսյակային տարբերակը, քանի որ այն բարդություններ կարող է առաջացնել ֆինանսական տեսանկյունից։
