ՌԴ ԱԳՆ խոսնակ Մարիա Զախարովան ֆեյսբուքյան իր էջում մեջբերել է Նիկոլ Փաշինյանի՝ Պետերբուրգում կայացած ֆորումի ժամանակ ասված ելույթի խոսքերից մի հատված՝ գրելով. «Նիկոլ Փաշինյանը՝ պիտերյան ֆորումին.
«Երբ բոլորը դժգոհ են, հարկավոր է անել այնպես, որ բոլորը գոհ լինեն»»:
Նրա այս գրառումը իսկական փոթորիկ է առաջացրել: Բազմաթիվ հայեր պահանջում են Զախարովային հրաժարական տալ, բանը հասել է անգամ վիրավորանքներին ու հայհոյանքներին՝ Զախարովայի ու Ռուսաստանի վարած քաղաքականության հասցեին:
Գրառման մեկնաբանություններում ակտիվ է անգամ Զախարովան: Նա արդարանում է, թե իր գրառմամբ ոչ մեկին վիրավորել չի կամեցել, ընդհակառակը,
Փաշինյանի վերոնշյալ խոսքերն իր կարգախոսն են դարձել:
Ավելի ուշ, տեղի տալով հայ օգտատերերի ճնշմանը, Զախարովան խմբագրել է իր գրառումը՝ ավելի մեծ հատված մեջբերելով Փաշինյանի խոսքերից ու հավելելով. «Հատուկ ընդունակների համար նորից կրկնում եմ՝ ուժեղ է, պոզիտիվ, ընտիր:
Ինձ շատ դուր եկավ: Իսկ պրովոկատորներին միʹ լսեք»:
