Առաջարկում ենք փորձել այս երկու հետաքրքիր և արագ աղցանները, որոնք կարող եք մատուցել տոնական սեղանին: Աղցանները ստացվում են գեղեցիկ, ախորժելի և պատրաստվում են հասարակ բաղադրիչներից:
Աղցան առաջին՝ Աստղակերպ
Անհրաժեշտ բաղադրիչներ.
200գ ապխտած երշիկ
200գ գազար՝ կորեական ձևով
3 ձու
100գ եգիպտացորեն
2ճ.գ. մայոնեզ
սամիթ
Պատրաստման եղանակ.
Ապխտած երշիկը մաքրել և ձողիկների կտրատել: Լցնել աղցանամանի մեջ: Ձուն եփել, մաքրել և երշիկի պես կտրատել: Ուղարկել աղցանամանի մեջ:
Ավելացնել եգիպտացորենը, գազարը, մանրացրած սամիթը և մայոնեզը: Լավ խառնել:
Աղցան երկրորդ՝ Ձյունիկ
Անհրաժեշտ բաղադրիչներ
200գ ծովախեցգետնի ձողիկներ
2 հալած պանրիկ
3 ձու
150գ եգիպտացորեն
սամիթ
մայոնեզ
Պատրաստման եղանակ.
Ծովախեցգետնի ձողիկները խորանարդաձև կտրատել: Նույն ձև կտրատել նաև պանրիկը: Որպիսի այն հեշտ լինի կտրել, 2-3 րոպե պահեք սառցարանում:
Եփած ձուն մաքրել, կտրատել միջին կտորների:
Բոլոր նախապատրաստված բաղադրիչները լցնել աղցանամանի մեջ, ավելացնել եգիպտացորենը, մանր կտրատած սամիթը, աղով և պղպեղով համեմել: Մայոնեզը լցնել և խառնել: Կարելի է արդեն մատուցել:
Բարի ախորժակ:
Նյութը հրապարակման պատրաստեց havesovinfon