Նախագահը արքայազն Չարլզին Հայաստանում այգի է նվիրել. «Շատ փոքր է, տեղը չեմ ասի, որ չգնաք նկարեք». Aravot.am

Նախագահը արքայազն Չարլզին Հայաստանում այգի է նվիրել. «Շատ փոքր է, տեղը չեմ ասի, որ չգնաք նկարեք». Aravot.am

Բրիտանացի երգիչ Էլթոն Ջոնը, Հայաստանի նախագահ Արմեն Սարգսյանն ու Starkey հիմնադրամի ղեկավար Ուիլյամ Օսթինը ժամանել են «Հայկ եւ Էլզա Տիտիզեան մանկական վերականգնողական կենտրոն»: Բարեգործական ակցիայի շրջանակներում այսօր 100 լսողական սարք է բաժանվել լսողության խնդիրներ ունեցող երեխաների: Վերականգնողական կենտրոնի նախագծման եւ կառուցման աշխատանքներն իրականացրել է «Երեւան, իմ սեր» հիմնադրամը:

Նախագահն ասաց, որ Էլթոն Ջոնի այցը Հայաստան կարեւոր նշանակություն ունի, աշխարհում կցուցադրեն, կտեսնեն մի փոքր Հայաստան: Նա նշեց, որ «Երեւան, իմ սերը» իր ստեղծած բարեգործական ծրագիրն է, որտեղ իր ընտանիքից սկսած, նաեւ շատ բարեկամներ իրենց ներդրումն են բերում. «Ծրագրին աջակցում է նաեւ արքայազն Չարլզը: Ցավոք սրտի, մարդիկ չհասկացան, թե նա ինչի համար էր եկել, հիմարություններ գրեցին, որ նա եկել է ինչ-որ հանքի համար, որը բացարձակապես… մարդը Հայաստանի մեծ բարեկամ է, երկար տարիներ աջակցում է «Երեւան, իմ սեր» ծրագրին, մարդ է, որը շատ լավ գիտի Հայաստանի ճարտարապետության պատմությունը եւ եկել էր այստեղ՝ Հայաստանը տեսնելու: Եվ միակ բանը, որ ինքը բացի բարեկամությունից արժեք ունի, դա փոքրիկ այգի է, որը պատկանում է հիմա ինձ, իմ ընտանիքին, իմ տղաներին եւ իր տղաներին, որ ես նվիրել եմ, փոքր այգի է: Շատ փոքր է, տեղը չեմ ասի, որ չգնաք նկարեք»:

Ամբողջական հոդվածը կարող եք կարդալ այս հասցեով

Եթե հավանեցիք այս գրառումը կիսվեք Ձեր ընկերների հետ.
GOOD LOOKING NEWS