Մեր տեղեկություններով՝ Պետեկամուտների կոմիտեն գործարար Սամվել Ալեքսանյանի ընկերությունում իրականացրած համալիր ստուգումների արդյունքում 5,2մլրդ դրամի խախտում է հայտնաբերել:
Ավելին՝ օլիգարխ պատգամավորին ասվել է, որ եթե բերի եւ գումարը վճարի պետբյուջե, կարող է գնալ եւ շարունակել աշխատել:
Տեղեկությունը ճշտելու համար դիմեցինք ՊԵԿ: ՊԵԿ նախագահի խոսնակ Լուսինե Մկրտչյանը, մեր հարցին ի պատասխան, նշեց հետեւյալը.
«ԱԱԾ քննչական վարչությունում «Ալեքս Հոլդինգ» ՍՊԸ-ում նշանակվել է բյուջեի հետ փոխհարաբերությունների ճշտության ստուգում, որի կատարումն ապահովելու նպատակով Պետական եկամուտների կոմիտեի կողմից իրականացված ստուգման արդյունքում 2018 թվականի հուլիսի 26-ին արձանագրվել է 5 միլիարդ 212 միլիոն դրամ բյուջե վճարման ենթակա լրացուցիչ հարկային պարտավորություն»:
Աղբյուր՝ Hraparak.am
