Հնդկաստանի Փունջաբ նահանգի Պատիալա քաղաքում բնակվող 26-ամյա Նաինան տնից դուրս էր եկել դեկտեմբերի 8-ին և չէր վերադարձել:Նրա անհետանալուց 3 օր անց նույն քաղաքում երիտասարդ կնոջ այլանդակված մարմին են հայտնաբերել: Ինչպես հաղորդում է Daily Mail-ը:
Ոստիկանությունը կարծել է, որ Նաինան սպանվել է այն մարդու կողմից, ում հետ փախել էր:
Նրա մարմինը գտել էին դաշտում: Դիահերձումը հաստատել է, որ կնոջը խեղդամահ են արել:
Նաինայի ընտանիքը նույնպես հաստատել է, որ դա իրենց դստեր մարմինն է, այնուհետև կատարվել է դիակիզման արարողությունը:
Դրանից 4 օր անց աղջիկը ողջ և առողջ տուն է վերադարձել այն մարդու ուղեկցությամբ, որի հետ մեկնել էր:
Ոստիկանությունը հայտնել է, որ հետաքննություն է սկսում՝ պարզելու համար, թե ով է եղել մահացած կինը, որի մարմինն այրել են:
Blognews.am
