Երբեք չկոտրեք մայրիկի սիրտը, հիշեք, դա այն սիրտն է, որ ձեր ծննդյան առաջին իսկ պահից բաբախել է միայն ձեզ համար: Մի կոտրեք նրա սիրտը, կգա մի օր ու շատ կափսոսաք դրա համար և հնարավոր է չհասցնեք ներողություն խնդրել:
Ես ժամանակ չունեմ:
Երբ նման արտահայտություն եք անում հիշեք, թե նա ինչպես է ձեզ կրել 9 ամիս, որքան գիշերներ է անքուն անցկացրել, երբ դուք փոքրիկ էիք, ձեր կարիքները հոգալու համար աշխատել է երկու հերթափոխ և ձեր բոլոր կարիքները հոգալու և պահանջները բավարարելու համար նա միշտ էլ ժամանակ գտել է:
Ես սա չեմ ուտում:
Հապա վեր կաց և ինքդ պատրաստիր և դու կհասկանաս, թե որքան ժամանակ ու ջանք է ծախսում մայրիկը ճաշ, ընթրիք պատրաստելու համար:
Դու ես ինձ այսպիսին դաստիարակել:
Հնարավոր է մայրիկը սխալներ է թույլ տվել դաստիարակելիս, բայց նա անկեղծ ջանացել է անել ամեն ինչ քո բարօրության համար:
Դու երբեք չես սիրել հայրիկին:
Եթե նա հայրիկին չսիրեր, դու չէիր ծնվի:
Դու վատ և անխնամ տեսք ունես:
Մայրիկը առաջին հերթին կին է, և նրա համար ծանր է լսել քննադատություն իր արտաքինի վերաբերյալ: Իսկ երբևէ մտածել ես, միգուցե նա գումար չունի գեղեցկության սրահ գնալու համար:
Դու կործանել ես իմ կյանքը:
Դու վատ մայր ես: Նման բան ասել չի կարելի, մայրիկը կյանք է պարգևում և ողջ կյանքում աղոթում է քեզ համար:
Դու անկիրթ ես:
Դու նույնիսկ բուհ չես ավարտել: Նման խոսքեր ասելուց առաջ մտածիր, որ մայրիկը իր թերի ուսմամբ կարողացել է գումար վաստակել, որպեսզի դու բարձրագույն կրթություն ստանաս:
