Մի կին դատի է տվել «Zara» ընկերությանը, երբ գտել է հագուստի մեջ կարված մկանը։
Ինչպես հաղորդում է հեղինակավոր «Independent» պարբերականաը, կինը տարօրինակ հոտ է զգացել աշխատավայրում, սակայն չի կարողացել ազատվել դրանից։
Հետո կինը նկատել է, որ ինչ-որ բան դիպչում է իր ոտքին։
Կարծելով, թե դա գնապիտակներից մեկն է, նա ուշադրություն չի դարձրել դրան մինչև տուն գնալը։
Սակայն շրջելով զգեստը` նա տեսել է, որ դա սատկած մկան ոտք է, որը դուրս է գալիս կարերի արանքից։
«Zara» ընկերության խոսնակը մեկնաբանել է դեպքը` նշելով, որ իրենց համար ամենակարևորը անվտանգ և որակյալ հագուստ արտադրելն է և իրենք ամենայն ուշադրությամբ կզննեն պատահարը՝ իրականությունը պարզելու համար։
