|
Քաղաքագետ Ստյոպա Սաֆարյանը ֆեյսբուքյան իր էջում գրել է․
«Պարոն վարչապետ Նիկոլ Փաշինյան ջան, բա որ ասում էի՝ դատավորներին իրենց շորերից հանի դուրս թափի: Դու չես զանգել, մարդը զանգին սովոր է՝ տեսել է չեք զանգում, ինքն է զանգել՝ թե բա ոնց կլինի: Ա՛յ, որ օրենք ու սահմանադրություն իմացող ազնիվ մարդիկ լինեին, իրենք արդեն մեղադրանքի ծանրությունից, քննության համար կասկածյալի վտանգավորությունից ելնելով առանց զանգի սպասելու կամ հեռախոսը ձեռքը վերցնելու կիմանային, թե ինչ է պետք է անեն օրենքով, որ մարտի 1-ի բացահայտումը լիարժեք ու օրենքի շրջանակներում գնա: Բայց հեռախոսազանգից ուրիշ բան էլ էր նկատելի՝ դատավոր մտահոգությունը…. Բնականաբար սեփական անվտանգության համար: Ու եթե ՍԴ դատավոր Վալերի Պողոսյանն է կանգնում մարտի 1-ի գործով հրապարակավ ասում՝ «իսկ դուք իմ անվտանգության մասին մտածե՞լ եք», հասկացնելով, որ ազատության մեջ գտնվող Քոչարյանը իրոք սպառնալիք է, ապա, իհարկե, նրա խափանման միջոցը քննող դատավորը պետք է մտահոգություններ ունենար թե մեղադրանքի հիմնավորության, թե նաև իր «անվտանգության մասով»: Այնպես որ՝ դատական համակարգի վերակազմավորումը հրամայական է, պարոն վարչապետ ջան, ուզեք, թե չուզեք: Ու որքան շուտ, այնքան լավ: Որովհետև այս ամբողջ գործընթացում խոցելիության հիմքեր կրկին նախկին իշխանությունների նշանակած դատավորները տվեցին…. |
«Նիկոլ Փաշինյան ջան, բա որ ասում էի՝ դատավորներին իրենց շորերից հանի, դուրս թափի»․ Ստյոպա Սաֆարյան
Աղբյուրը` Ստյոպա Սաֆարյանի ֆեյսբուքյան էջ
