Երևանի նորընտիր քաղաքապետ Հայկ Մարությանն իր նոր կարգավիճակում առաջին ֆեյսբուքյան գրառումն է կատարել:
Նա, մասնավորապես, գրել է.
Սիրելի հայրենակիցներ ջան, սիրելի երևանցիներ ջան, հարազատներ ջան:
Այս հաղթանակը մեր թիմի հաղթանակը չէ: Սա միայն ու միայն մեր ժողովրդի հաղթանակն է, որն ապացուցեց ամբողջ աշխարհին, որ միասնական և վճռական է ժողովրդավարական պետություն կառուցելու ճանապարին: Հպարտ եմ, որ ձեզանից մեկն եմ, երջանիկ եմ, որ ձեր մի մասնիկն եմ:
Շնորհակալ եմ վստահության համար: Պատրաստ եմ ամեն օր, ամեն ժամ , ամեն րոպե, ամեն վայրկյան ծառայել ձեզ, որպեսզի մեր Երևանը միասին դարձնենք մեր երազանքների քաղաքը:
