Պատրաստեք իսկական հայկական քյուֆթա. Ամենաստացված բացադրատոմսը, որը անմահական համ ունի

Յուրաքանչյուր կին ունի իր քյուֆթա պատրաստելու բաղադրատոմսը, սակայն այս մեկը փորձված և կարելի է ասել՝ ամենաստացված բաղադրատոմսն է, որը շատ հարմար է և ստացվում է շատ համեղ:

միս տավարի — 1 կգ

սոխ — 2 գլուխ

ձու — 1 հատ

ալյուր — 2 ճ/գ

կոնյակ — 2 ճ/գ

ջուր — 3/4 բաժակ

Կարագ — ըստ ճաշակի

պղպեղ կարմիր — ըստ ճաշակի

պղպեղ սև — ըստ ճաշակի

աղ — ըստ ճաշակի

Պատրաստման եղանակ

Թարմ միսը 5-6 անգամ անցկացնում ենք մսաղացով, ապա ընթացքում ավելացնում ենք ջուրը, որից հետո լցնում ենք խորը տարայի մեջ, ավելացնում ենք ձուն, ալյուրը, մանրացրած սոխը, կոնյակը և համեմում ենք աղով ու պղպեղով:

Ստացված խառնուրդը մոտ 1 ժամ խառնում ենք (ծեծում ենք) ու վերածում միասեռ զանգվածի։

Կաթսայի մեջ ջուր ենք լցնում, ավելացնում ենք աղն ու դնում ենք կրակի վրա։ Ստացված զանգվածը բաժանում ենք 4 մասի, ձեռքերը թաթախում ենք ջրի մեջ ու փորձում ենք ստանալ գնդիկներ։ Երբ ջուրը սկսում է եռալ, մսագնդերը լցնում ենք կաթսայի մեջ։

Եփում ենք 30 րոպե ու չենք մոռանում հեռացնել առաջացած փրփուրը։

Համեղ քյուֆթան պատրաստ է։

Հանում ենք կաթսայից, կտրատում ենք ու մատուցում կարագով տաք վիճակում։

Եթե հավանեցիք այս գրառումը կիսվեք Ձեր ընկերների հետ.
GOOD LOOKING NEWS