Մեզանից շատերն են տանը պիցցա պատրաստում, բայց ոչ բոլորի մոտ է ստացվում այնպես, ինչպես պիցցերիաներում: Ահա այս բաղադրատոմսը պիցցերիաներում պատրաստվող և մատուցվող պիցցայի խմորի բաղադրատոմսն է:
Պետք է պահպանել որոշ կանոններ Պետք է վերցնել բարձր կամ առաջին սորտի ալյուր: 500 գ ալյուրի դեպքում ավելացվում է ընդամենը 2 ճաշի գդալ բուսայուղ և ոչ մի գրամ ավել:
Ջուրը կամ կաթը պետք է լինեն մարմնի ջերմաստիճանից թեթևակի տաք: Աղը և շաքարավազը օգտագործվում են խմորիչի ակտիվացման և համի համար:
Չնայած այն բանին, որ պիցցայի խմորը պետք է լինի բարակ, այն թողնում են 15 րոպեից մինչև 1 ժամ: Հմուտ խոհարարները ձեռքով են բացում լոշիկը, սակայն կարելի է նաև գրտնակի
օգնությամբ:
Խմորը բացելու համար աշխատանքային մակերեսի վրա ալյուր են լցնում կամ բուսայուղ են քսում:
Բաղադրիչներ
- 250 մլ ջուր
- 500 գ ալյուր
- 0,5 թեյի գդալ շաքարավազ
- 0,5 թեյի գդալ աղ
- 20 գ բուսայուղ
- 7 գ խմորիչ
Պատրաստման եղանակը
Թասիկի մեջ լցնել տաք ջուրը, ավելացնել խմորիչը և լավ խառնել, որ գնդիկներ չլինեն:
Ավելացնել բուսայուղը, աղը և շաքարավազը, լավ խառնել: Ավելացնել մաղած ալյուրը: Խմոր հունցել:
Խմորը պետք է լինի էլաստիկ, եթե խմորը կպչում է ձեռքերին ապա պետք է ալյուր ավելացնել, սակայն քիչ քանակությամբ, որպեսզի պինդ խմոր չստացվի:
Խմորը բաժանել 3 հավասար մասերի՝ մոտ 270-280 գ:
Ծածկել սրբիչով և դնել տաք տեղում, եթե չեք նախատեսում 3 գնդերը միանգամից օգտագորխել կարելի է պահել սառնարանում կամ պահել սառցախցիկում՝ հերմետիկ փաթեթի մեջ:
Կես ժամ անց հանգստացած խմորը գրտնակի կամ ձեռքերի օգնությամբ բացել և վրան լցնել այն
բաղադրիչները, որոնք նախնտրում եք:
Նյութը հրապարակման պատրաստեց՝ Goodinfo-ն
