«Սրանից հետո իր արած մյուս ծրագրերն իմ մոտ կոնկրետ հավասարվեցին զրոյի»․ Լևոն Գալստյան

Հայկական բնապահպանական ճակատի համակարգող խորհրդի անդամ Լևոն Գալստյանը ֆեյսբուքյան իր էջում գրել է․

««Ամերիաբանկի» հիմնադիր Ռուբեն Վարդանյանի նկատմամբ դրական կարծիքս սկսեց փոխվել դեռ այն ժամանակ, երբ իմացա, որ բանկի փոքր բաժնետերին, ինչ-որ անհասկանալի եղանակներով, հանել են այնտեղից։ Երկրորդը՝ Տիգրան Սարգսյանի և Կճոյանի օֆշորային գործերի հետ այդ բանկի կապն էր։ Երրորդը՝ Ամուլսարի վտանգավոր ծրագրին այդ բանկի կողմից տված 24 միլիոն դոլար վարկն էր։
Բայց ամենակարևորը, թերևս, իր պատասխանն էր Մոսկվայում Ամուլսարի մասին իրեն ուղղված հարցին․
— Հա, ի՞նչ կա որ, կա Թեղուտի հանքը, կա Քաջարանը՝ թող լինի նաև Ամուլսարը։
Սրանից հետո իր արած մյուս ծրագրերն իմ մոտ կոնկրետ հավասարվեցին զրոյի՝ ցավով եմ ասում սա»։