Կանանց առողջության համար հորմոնալ բալանսը շատ մեծ նշանակությունը ունի, քանի որ հորմոնների մակարդակի անգամ աննշատ տատանումները կարող են զգալի բացասական հետևանքներ ունենալ: Սա է պատճառը, որ հարկավոր է շատ ուշադիր լինել հորմոնալ ֆոնի փոփոխությունների հանդեպ:
Ձեր ուշադրությանն ենք ներկայացնում կանանց համար ամենակարևոր հորմոնները, դրանց գործառույթները և հետևանքներն օրգանիզմում այդ հորմոնների դեֆիցիտի կամ ավելցուկի դեպքում:
1. Էստրոգեն
Սա կանանց սեռական հորմոնն է, որն արտադրում են ձվարանները: Այս հորմոնը պատասխանատու է բջիջների թարմացման, երիտասարդության պահպանման, մազերի որակի ու գեղեցկության և մաշկի պրկության ապահովման, ինչպես նաև օրգանիզմը խոլեստերինից պաշտպանելու համար:
Էստրոգենի չափազանց բարձր մակարդակի դեպքում կարող է ի հայտ գալ ավելորդ քաշ: Ընդ որում՝ ճարպաշերտերը հիմնականում կուտակվում են որովայնի ու ազդրերի հատվածում: Բացի այդ, էստրոգենի բարձր մակարդակը բարձրացնում է բարորակ ուռուցքների առաջացման հավանականությունը:
Էստրոգենի պակասի դեպքում բարձր է վաղաժամ կնճիռների առաջացման ու մազաթափության հավանականությունը: Ընդ որում՝ մազաթափության հետ մեկտեղ անցանկալի մազեր կարող են ի հայտ գալ կրծքի, դեմքի կամ ձեռքերի հատվածում:
2. Ինսուլին
Ինսուլինն արտադրվում է ենթաստամոքսային գեղձի կողմից և պատասխանատու է բարդ ածխաջրերի քայքայման ու արյան մեջ շաքարի մակարդակի վերահսկման համար:
Ինսուլինային անբավարարությունը լուրջ խնդիր է, որը հանգեցնում է շաքարային դիաբետի հանդեպ հակվածության առաջացման:
3. Օքսիտոցին
Օքսիտոցինը սիրո ու կապվածության հորմոնն է, որն ակտիվանում է ծննդաբերությունից հետո և պատասխանատու է մոր ու երեխայի միջև նուրբ փոխհարաբերությունների համար:
Տարբեր տեսակի ծանրաբեռնավածությունների դեպքում, ինչպես նաև սթրեսային իրավիճակներում այս հորմոնը կարող է արտադրվել չափազանց մեծ քանակությամբ: Կանայք, որոնց օրգանիզմում բարձր է օքսիտոցինի մակարդակը, սովորաբար շատ հոգատար են լինում:
4. Տեստոստերոն
Այս հորմոնը կանանց տղամարդկային հատկություններ է տալիս՝ ինքնավստահությունը, նպատակասլացություն ու վճռականություն: Տեստոստերոնի բարձր մակարդակի դեպքում կանայք ավելի լավ արդյունքների են հասնում սպորտում և հեշտությամբ են մարզում մկանային հյուսվածքները:
Սակայն տեստոստերոնի բարձր մակադակի դեպքում կինը նուրբ ու քնքուշ էակից դառնում է չար ու ագրեսիվ:
5. Նորադրենալին
Սթրեսային իրավիճակներում մակերիկամներն արտադրում են նորադրենալին, որի պատճառով այտերը կարմրում են, աչքերը փայլում, մաշկը դառնում է հարթ, իսկ անոթները լայնանում են: Բացի այդ, այս հորմոնն օգնում է նաև լավ քնել, ինքնավստահ լինել և ոչնչից չվախենալ:
6. Թիրոքսին
Այս յուրահատուկ հորմոնը սինթեզվում է վահանաձև գեղձի կողմից և պատասխանատու է նյութափոխանակության կարգավորման համար: Այս հորմոնի հիմնական գործառույթներից են նաև սլացիկ կազմվածքի ու պայծառ մտքի պահպանումը:
Թիրոքսինի բարձր մակարդակը կարող է օգնել նիհարել, սակայն որոշ դեպքերում դա կարող է հանգեցնել անեմիայի (սակավարյունություն): Բացի այդ, այս հորմոնի բարձր մակարդակի դեպքում կարող են ի հայտ գալ այնպիսի կողմնակի բարդություններ, ինչպիսին են քնկոտությունը կամ անքնությունը, հիշողության վատացումը, տագնապի զգացողությունն ու կասկածամտությունը:
Օրգանիզմում թիրոքսինի պակասի մասին վկայող բացասական նշաններն են անտարբերությունն ու քնկոտությունը, մոռացկոտությունը, ավելորդ քաշն ու անպտղությունը:
Նյութի աղբյուրը՝ lady-journal.info
