|
Ամերիկահայ միլիոնատեր, «պոկերի արքա» Դեն Բիլզերյանը մեկնաբանել է Արցախ այցելելու համար իր նկատմամբ միջազգային հետախուզում հայտարարելու՝ Ադրբեջանի որոշումը:
«Միշտ հաճելի է արթնանալ և լավ նորություններ կարդալ: Եթե այդ ադրբեջանցի պաշտոնյաներն իմ նկատմամբ միջազգային հետախուզում են հայտարարում Ինտերպոլի միջոցով, ձերբակալելու նպատակով, ապա պետք է պատրաստ լինեն պատասխան տալ այդ ամենի համար»,- գրել է Բիլզերյանն Instagram-ի իր էջում: Հիշեցնենք, որ երեկ Ադրբեջանի գլխավոր դատախազությունը հայտնել էր «պոկերի արքայի» նկատմամբ միջազգային հետախուզում հայտարարելու մասին: «Օգոստոսի 28-ին մի խումբ անձանց հետ նա այցելել է Ադրբեջանի գրավյալ տարածքներ և խախտել Ադրբեջանի տարածքային ամբողջականությունը, անօրինական ճանապարհով ձեռք է բերել զինատեսակներ, ցուցադրական կրակ բացել տարբեր զինատեսակներից»,- ասված էր Ադրբեջանի գլխավոր դատախազության հաղորդագրության մեջ: |
Տեսեք ինչ պատասխան է տվել Բիլզերյանը Ադրբեջանին
