Ռոբերտ Քոչարյանի կալանավորումը Հայաստանի ներքին հարցն է՝ ի՞նչ պիտի աներ Ռուսաստանը. Ռուսաստանը լավ էր հասկանում՝ եթե պաշտպաներ Քոչարյանին, ապա Հայաստանում լինելու էր հերթական տրամադրությունների փոփոխությունը, որովհետև ակնհայտ էր Մարտի 1-ը բացահայտելու հասարակական պահանջը: «Առաջին լրատվական»-ի հետ զրույցում այսպիսի կարծիք հայտնեց «Մոդուս վիվենդի» կենտրոնի ղեկավար Արա Պապյանը:
«Ռուսաստանի շահը հետևյալն է՝ երբեք նախկիններին չպաշտպանել, որովհետև նրանք նախկին են և այլևս որևէ դերակատարություն չունեն»,- նշեց մեր զրուցակիցը և կարևորեց դատավարության վստահելի լինելը, որպեսզի որևէ մեկը չկասկածի, թե սա ինչ-որ անձնական հաշիվներ մաքրելու նպատակ ունի կամ քաղաքական պատվեր է:
Պապյանի խոսքով՝ Քոչարյանից որևէ մեկը իր վաստակը չի խլում, բայց այստեղ հստակ մեղադրանք կա՝ առայժմ գոնե կապված Մարտի 1-ի դեպքերի հետ:
Մեր զրուցակիցը կարծում է, որ եթե Ռուսաստանը կարողանար, ապա կպահեր Սերժ Սարգսյանին, բայց նա հասկացավ, որ իրավիճակ է փոխվել և ընտրեց չարյաց փոքրագույնը:
Հարցազրույցն ամբողջությամբ՝ տեսանյութում:
