Եթե դուք սիրում եք չիփսեր, բայց չեք ուտում, քանի որ գիտեք դրանց վնասակարության մասին, ապա այս բաղադրատոմսը ձեզ հաստատ պետք կգա:
Անհրաժեշտ բաղադրիչներ
Կարտոֆիլ – 300 գրամ
աղ- մի պտղունց
քաղցր կարմիր պղպեղ- ըստ ճաշակի
արևածաղկի յուղ – 2 ճ/գ
Ինչպե՞ս պատրաստել
Կարտոֆիլը մաքրել, լվանալ և կտրտել շատ բարակ կտորների գրեթե 2մմ հաստությամբ:
Կտրատված կարտոֆիլները թողնել սառը ջրի մեջ 2-3 րոպե: Սա արվում է նրա համար, որ ավելորդ կրախմալը դուրս գա: Ջուրը դատարկել իսկ կարտոֆիլները սրբիչով չորացնել:
Կարտոֆիլը համեմել կարմիր պղպեղով և աղով , մի շերտով շարել ջեռոցի տարայի մեջ, նախօրոք ջեռոցը տաքացնել մինչև 180 աստիճան, և կարտոֆիլի կտորները թողնել ներսում 10-15 րոպե, մինչև ոսկեգույն երանգ ստանան:
Երբ դուրս հանեք ջեռոցից դրանք կարող են մի քիչ փափուկ լինել, բայց երբ սառչեն, իդեալական կլինեն: Պատրաստման ժամկետը կախված է ձեր ջեռոցի տաքությունից և կարտոֆիլների հարստությունից:
Բարի ախորժակ