Ավելի հաճախ այն լցոնում են և տապակում: Այս ձևը միշտ արդյունավետ է և գեղեցիկ, մանավանդ,եթե քիչ երևակայենք խճողակը պատրաստելուց:Եվ հետո, այն հեշտ է կոկիկ կտրատել: Իսկ բույրը և համը անհավատալի ախորժելի են:
Մեր բաղադրատոմսում յուրահատուկ է խճողակը: Ոչ մի պահածոյացված ոլոռ, սունկ,եգիտպացորեն և այլն:
Բաղադրությունը՝
- հավ — 1 հատ, սոխ — 2 հատ, հաց — 100 գ,
- խոզի միս — 200գ, կոշտ պանիր — 50 գ, կարագ — 50գ,
- ձու — 1 հատ, կանաչի — 1 կապ, աղ — ըստ ճաշակի,
- սև պղպեղ (աղացած) — ըստ ճաշակի, եղեսպակ — 2 պտղունց,
- զեյթունի ձեթ — 4 ճաշի գդալ, մշկընկույզ — ըստ ճաշակի
Պատրաստման եղանակը
Վերցնել հավը,վզից ողնաշարի ուղղությամբ ոչ խորը կտրվածք անել: Մեկ կտրվածք անել նաև ազդրերի ուղղությամբ: Հանել ազդրոսկրերը, ձեռքով կաշին պահելով, հանել նաև ջլերը և թևերի ոսկորները: Թևերը և ոսկորները կօգտագործվի արգանակի պատրասման համար:
Հավը համեմել աղով և պղպեղով, թողնել 60 րոպե: Այդ ընթացքում պատրաստել խճողակը:
Սոխը մաքրել և մանր կտրատել: Աղալ խոզի միսը, հացը կտրատել, կարագը և պանիրը անցկացնել քերիչով, կտրատել կանաչին: Ամբողջը լցնել տարայի մեջ, ավելացնել աղը, պղպեղը, մշկընկույզը: Խճողակին ավելացնել հարած ձու, խառնել և տապակել: Այն լցնել հավի մեջ և կարել:
Տապակի մեջ լցնել զեյթունի ձեթը և եղեսպակը, հավը տեղավորել մեջը և տապակել 180 C ջերմաստիճանի տակ: Տապակել մոտավորապես 50 րոպե մինչև կարմրելը:
Այդ ընթացքում հավից յուղ է դուրս տալու, հարկավոր է պարբերաբար այն լցնել հավի վրա:
Նյութը հրապարակման պատրաստեց «Խոսում է Երևան»-ը