ՀՀ գլխավոր դատախազի նախկին տեղակալ Արմեն Դանիելյանը ֆեյսբուքյան իր էջում գրել է.
Առավել քան վստահ եմ, որ գործող իշխանությունները տուրք չեն մատուցի քաղաքական ռասիզմին: Իսկ նախկինում դա ակներև էր ու աղաղակող… Ընդամենը բավարար էր մի ստոր չարախոսություն ու ողջ կյանքդ ու կենսագրությունդ այլևս ավարտված էր: Եվ Վարչապետ Փաշինյանի կոչն առ այն, որ կա բարիկադներ կառուցելու ժամանակը և կա բարիկադները քանդելու ժամանակը բնավել էլ հիմնազուրկ չէ: Այդ պատնեշի ճարտարապետները հարյուր հազարավոր այն երիտասարդները չեն՝ ովքեր ձեռքերը վեր պարզած դարձան հեղափոխականներ, այլև հենց նրանք են ովքեր շուրջ երկու տասնամյակ բարիկադներ են կառուցել իշխանության և ժողովրդի միջև…
Եվ դեռ մեր օրերում կան մարդիկ՝ ովքեր կասկածում են, որ մեր երկիրը լուրջ հիվանդ էր: Այդ «հիվանդին» բուժելու համար լուրջ բժիշկ էր պետք, որը, բարեբախտաբար երեսուն տարի հետո կա:
Այդ բարիկադները կառուցել են այն նախկին պաշտոնյա թալանչիներն ու հանցագործները՝ ովքեր ձեռքի հետ խմբագրելով կամ մոնտաժելով իրենց իշխանության տարիների պատմությունը՝ ժողովրդի այդ տարիների ահավոր վիճակն արդարացրել են Արցախյան պատերազմով: Ապրիլյան պատերազմը ՛՛բացահայտեց՛՛ այդ մեծ սուտը:
Որ քաղաքական ուժը քննադատել է իշխանությանն ու խոսել իշխանափոխության մասին, ասվել է՝ «մայդան» ես ուզու՞մ, համարվել է դավաճան է և ծախված: Ավելին, քաղաքական հաշվեհարդարը չի ուշացել…
Ուստի քաղաքական համակարգը ՛՛բուժելու՛՛ համար
օր առաջ պետք է այդ դաշտը ՛՛ախտահանել՛՛ նախկին իշխանավորներից, քաղաքական դիակներից, օտար պետությունների ՛՛պատվերները՛՛ կատարողներից ու մարգինալներից, նախկինում ատելությամբ շարժվողներից և ժողովրդին արհամարհողներից, ծաղրողներից ու դավաճանի պիտակ կպցնողներից, մի խոսքով՝ բոլոր ոչ ադեկվատ թալանչիներից:
Խոսքն այս բարիկադների ապամոնտաժման մասին է… Ես այդ բարիկադները համեմատում եմ Չինական պարիսպի հետ, որն աշխարհում երբևէ կառուցված ամենածավալուն, ամենաերկար ու զանգվածային կառույցն է և այն իրավմամբ անվանում են նաև «աշխարհի ամենաերկար գերեզմանոցը», քանի որ կառուցման ընթացքում տաժանակիր աշխատանքի պատճառով հազարավոր շինարարներ են մահացել:
Հ.Գ. Աստված չանի այդ ապամոնտաժումը ուղեկցվի ՛՛զոհերով՛՛ և դավադրություններով…
