Խորհուրդ է տրվում ժամանակ առ ժամանակ մաքրել ներքնակը՝ բակտերիաներից ազատվելու համար, որոնք վտանգավոր են մեր առողջության համար:
Ներքնակը շատ կարևոր տեղ է զբաղեցնում տան մեջ, այն անհրաժեշտ է լիարժեք հանգստի համար: Այն մաքուր և լավ վիճակում պահելը կարևոր գործ է: Դա կօգնի խուսափել ալերգիայից, նաև ապահովել լավ քնի համար անհրաժեշտ պայմանները:
Ձեզ կառաջարկենք տնային մատչելի միջոցներ, որոնք կօգնեն պատշաճ կերպով մաքրել ներքնակները:
Ինչպես մաքրել ներքնակը՝ սոդայի միջոցով
Սոդայի հակաբակտերիալ հատկությունները թույլ կտան մաքրել լաքաները և վերացնել տհաճ հոտը:
Բաղադրիչներ.
- սոդա՝ 40գ
- ջրածնի պերօքսիդ 3%` 100մլ
- հեղուկ օճառ՝ 2 կաթիլ
Սոդան և պերօքսիդը խառնել, ավելացնել հեղուկ օճառը և կրկին լավ խառնել, որպիսի միասեռ զանգված ստացվի:
Լցնել զանգվածը հեղուկացիրի մեջ, թափահարել և օգտագործել այն հատվածներում, որտեղ կան լաքաներ կամ տհաճ հոտ է գալիս: Երբ չորանա, մաքրել խոզանակի կամ փոշեկուլի օգնությամբ:
Ինչպես վերացնել ներքնակի լաքաները՝ սպիտակ քացախի օգնությամբ
Բաղադրիչներ.
- սպիտակ քացախ՝ 1/4 բաժակ
- սոդա 1/2 բաժակ
- ջրածնի պերօքսիդ՝ 30մլ
Ներքնակի վրա լցնել սոդան, իսկ հետո քացախ ցանել: Մնացորդները մաքրել խոզանակով կամ փոշեկուլով: Եթե լաքան չմաքրվի, ապա սպունգը թրջել պերօքսիդով և շրջանաձև շարժումներով շփեք այդ հատվածը: Արագ չորացնելու համար կարելի է նաև վարսահարդարիչ օգտագործել:
