«Հայ մանուկ» բարեգործական ասոցիացիան օգնում է արտամարմնային բեղմնավորման շնորհիվ ունենալ երեխաներ»․Հայկ Մարությանի կոչը՝ անպտուղ ընտանիքներին

Շատերն են հասցրել ծանոթանալ «Հայ ասոցիացիա» բարեգործական հիմնադրամի գործունեությանը:

Բողոքի ակցիայի օրերին Հայաստան էր ժամանել Իսպանիայում բնակություն հաստատած Տիգրանը, ով փաստորեն այս ընթացքում Հայաստանում էր՝ գաղափարակից հայրենակիցներին սատարելու համար:  Պարզվում է Տիգրանը մոտ 1 ու կես տարի առաջ ստեղծել է «Հայ ասոցիացիա» հիմնադրամը, որը ներկայացնում է նոր նախաձեռնություն՝ «Հայ մանուկ», որն էլ կոչված է օգնելու փոքրիկով համալրել բոլոր անպտուղ հայ ընտանիքներին:

«Բարեգործական ասոցիացիան  օգնում է անպտուղ ընտանիքներին՝ արտամարմնային բեմնավորման շնորհիվ ունենալ երեխաներ:

Ասոցիացիան ոչ մի շահույթ չհետապնդող կազմակերպություն է, որի նպատակն է աշխարհի բոլոր հայերով միանալ ու թեկուզ փոքր ներդրումներով օգնել հայ ընտանիքներին ունենալ երեխաներ: Ի դեպ,  ընտրվում են այնպիսի զույգեր, ովքեր չունեն բավարար ֆինանսական միջոցներ, բայց իրենք հետագայում  կարող են երեխայի մասին հոգ տանել, կրթել, դասիտարակել:

Մենք հավաքում ենք անհրաժեշտ գումարը ու երբ շահառու զույգը գնում է հիվանդանոց ու բժիշկը ասում է, այո, կա 20%-ից ավելի հավանականություն, որ զույգը կարող է արտամարմնային բեղմնավորման միջոցով երեխա կունենա, մենք փոխանցումը կատարում ենք:

Նշեմ, որ փոխանցումը կատարում ենք միայն բանկային տարբերակով, որ ներդրողների համար ամեն ինչ թափանցիկ լինի: Այս պահի դրությամբ ունենք 3 զույգ, որ երեխայի են սպասում»,-ավելի վաղ մեզ հետ զրույցում պատմել էր Տիգրանը:

Ինչպես երևում է, նախաձեռնության նկատմամբ հասարակական հետաքրքրությունն  օր օրի աճում է՝ ներգրավելով նաև հայ հայտնի ու սիրված դեմքերին ևս: Ասոցիացիայի ֆեյսբուքյան էջում տեղադրվել է Հայկ Մարությանի կոչը՝ միանալու ու սատարելու այս նախաձեռնությանը:

 

Նյութի աղբյուր՝ arenanews.am

Եթե հավանեցիք այս գրառումը կիսվեք Ձեր ընկերների հետ.
GOOD LOOKING NEWS