Մարզասրահի հանդերձարանում տղամարդիկ էին փոխվում։ Հանկարծ նստարանին դրված հեռախոսին զանգ եկավ։ Տղամարդկանցից մեկը պատասխանեց զանգին ու միացրեց բարձրախոսը։Մնացած բոլորը լռեցին ու սկսեցին լսել․
-Ողջույն։
-Ողջույն, սիրելիս, ես եմ։ Մարզասրահու՞մ ես, — հարցրեց հաճելի կանացի ձայնը։
-Այո։
-Ես հիմա շրջում եմ խանութներում և գեղեցիկ կաշվե բաճկոն տեսա։ Այն 2000$ արժի, կարո՞ղ եմ գնել։
-Իհարկե, եթե քեզ դուր է գալիս։
-Մի բան էլ կա։ Lexus-ի սրահում նոր մոդել եմ տեսել։ Այն ինձ շատ է դուր գալիս։
-Ինչքա՞ն արժի։
-Մոտ 90 000$։
-Լավ, թողնում եմ, գնիր։
-Հիանալի է, սիրելիս։ Մի բան էլ կա․ էն տունը, որ անցյալ տարի էինք ուզում գնել, գինը իջեցրել են, հիմա 1,25մլն դոլարով են վաճառում։
-Փորձիր գինը իջեցնել մինչև 1 000 000։ Պիտի որ համաձայնվեն,-անհոգ ձայնով ասաց տղամարդը։
-Լավ, կյանքս, դու լավագույնն ես։ Սիրում եմ քեզ։
-Ես էլ քեզ եմ սիրում։
Հանդերձարանում բոլորը ապշած նրան էին նայում, նրանց բերանները զարմանքից բաց էին մնացել։
Հերոսն էլ պտտվեց ու հարցրեց․
—Տղաներ, չգիտե՞ք, սա ու՞մ հեռախոսն էր։