Թուզը շատ օգտակար է ոչ միայն թարմ վիճակում, այլև չորացված: Այն կարող է բառացիորեն նորացնել մեր օրգանիզմը: Իր հատկություններով ամենալավ թուզը համարվում է բաց դեղնագույն թուզը: Չորացած թզի մեջ սպիտակուցների քանակը աճում է մինչև 3-6%, իսկ շաքարի քանակը մինչև 50-70% այն դեպքում, երբ թարմ թզի մեջ կա ընդամենը 1% սպիտակուց, 15-20% շաքար:
Չոր թուզը օգտակար է շատ հիվանդությունների համար, հատկապես աղիների անանցանելիության համար: Ամեն օր թուզ օգտագործելը նվազեցնում է սիրտ-անոթային հիվանդությունների զարգացման հավանականությունը:
Positive-ը առաջարկում է մի հին բաղադրատոմս, որը օգտագործվել է հազարամյակներ շարունակ օրգանիզմը առողջ պահելու, ֆիզիկական և մտային ունակությունները ուժեղացնելու և շատ հիվանդություններ բուժելու համար:
Բաղադրությունը
- 20 հատ թուզ
- Զեյթունի յուղ
Պատրաստման եղանակը
Թուզը կիսել միջից և տեղավորել տարայի մեջ: Վրան լցնել այնքան զեյթունի յուղ, մինչև այն ամբողջովին ծածկի թուզը և վերևից 0,5-1սմ ավելանա: 40 օր պահել սառնարանում:
Օգտագործել նախաճաշից 5-10 րոպե առաջ կես թուզ և մեկ թեյի գդալ զեյթունի յուղ: Օգտագործեք այնքան ժամանակ, մինչև խառնուրդը վերջանա:
Նրա բուժիչ ազդեցությունը միանգամից կզգաք: Այդ բուժումը կարող եք կրկնել տարվա մեջ 2-3 անգամ:
