Ջեսիկան հղիացավ, երբ արդեն իր սրտի տակ երեխա էր կրում՝ ուրիշ ընտանիքի համար։ Ջեսիկան փոխնակ մայր է։ Բժիշկները կարծում էին, որ մյուս երեխաները զույգ եղբայրներ են, սակայն մեկը թերի է զարգանում։ Երբ 31-ամյա Ջեսիկա Ալլենը, ով այդ պահին արդեն ուներ 2 երեխա, համաձայնվեց փոխնակ մայր դառնալ Չի-նաստանից ամուսնական զույգի համար, ոչ մեկի մտքով վատ բան չէր անցնում։
Արհեստական բեղմնավորումը բարեհաջող անցավ, երկու կողմերը գոհ էին։ Սակայն ավելի ուշ պարզվեց, որ Ջեսիկան հղիացել է սեփական երեխայով, սակայն բժիշկները կարծել էին, թե նա նույնպես մյուս ընտանիքի ե-րեխան է։Նմանատիպ դեպքերը շատ քիչ են,երբ կինը հղի լինելով՝ կրկին հղիանում է։ Մարդկության ողջ պատ-մության մեջ կրկնակի հղիության մոտ 10 դեպք է գրանցվել։
Փոքրիկների ծնվելուց մոտ 1 ամիս անց Ջեսիկան զանգ ստացավ այն ընտանիքից, որի համար ինքը փոխնակ մայր էր դարձել։ Ամուսինները պատմեցին, որ երեխաները միմյանցից արտաքնապես շատ են տարբերվում։ Կա-նայք թեստ հանձնեցին, որը ցույց տվեց, որ տղաներից մեկը ծննդկանի կենսաբանական երեխան է։
Սակայն փոքրիկին վերադարձնելու համար կինը ստիպված եղավ դժոխքի միջով անցնել։ Չինացի ամուսինները դրամական փոխհատուցում պահանջեցին՝ երեխաներից մեկին վերադարձնելու համար։Սկզբում նրանք պա-հանջում էին 22 000 դոլար,հետո առաջարկում էին հանձնել մանկատուն, սակայն ի վերջո որոշեցին առանց որևէ դրամական ներդրման փոքրիկին տալ հարազատ ծնողներին։
—Ես բաց թողեցի որդուս կյանքի առաջին 2 ամիսները․․․ այն օրերը, որոնք այդքան կարևոր էին և մեզ, և երե-խայի համար։ Այնպիսի տպավորություն է, կարծես մեզ կողոպտել են։
Ավելի ուշ Ջեսիկան լուսանկար հրապարակեց՝ ցույց տալով իր և որդու առաջին հանդիպումը․
—Դա առաջին անգամն էր, երբ ես տեսա նրան, և դա տեղի ունեցավ Starbucks կայանի մոտ։
